१४ लाख बढिको अवैध सामान बरामद

कञ्चनपुर, साउन २ (ई-रैवार) 

महेन्द्रनगरमा १४ लाख बढिको अवैध सामान बरामद गरिएको छ। प्रहरीले भीमदत्त नगरपालिका वडा नम्वर ४ स्थित बजार क्षेत्रबाट भन्सार छली गरी ल्याउदै गरेका अवस्थामा बरामद गरेको हो ।

१४ लाख ९ हजार ९ सय ५० रुपैँयाको बरावरको सामान भन्सार छलेर म १ च ३२९ र म १ च ३२३ नम्बरका दुईवटा सवारी साधनमा ल्याएरहेको अबस्थामा बरामत गरेको प्रहरीले जनाएको छ ।

कपडा, बिजुलीका सामान ल्याईरहेको बिषेश सुचनाको आधारमा जिल्ला प्रहरी कार्यालयबाट खटिएको टोलीले उक्त सामान बरामद गरेको प्रहरी नायव उपरिक्षक अमर वहादुर थापाले बताए ।

उक्त समान, सवारी साधन र चालकहरुलाई आवश्यक कारवाहीको लागि गड्डाचौकी भन्सार कार्यालयमा बुझाईएको प्रहरी नायव उपरिक्षक थापाले बताए ।