कञ्चनपुरमा श्रीमानको कुटपिटबाट श्रीमतीको मृत्यु

कञ्चनपुर : कञ्चनपुरमा श्रीमानको कुटपिटबाट श्रीमतीको मृत्यु भएको छ । दोधाराचाँदनी नगरपालिका–१० फगिरे चौराहामा बुधबार दिउँसोतिर ४५ वर्षीय रनबहादुर सुनारले ४२ वर्षीया श्रीमती पारु सुनारलाई कुटपिट गरेर हत्या गरेका हुन ।

जिल्ला प्रहरी कार्यालय कञ्चनपुरका अनुसार श्रीमान रनबहादुर सुनारलाई प्रहरीले पक्राउ गरेको छ । कुटपिटबाट घाइते भएकी उनकी पारु सुनारलाई उपचारका लागि दोधाराचाँदनी अस्पताल लगिएको थियो ।

राति दुवै जना उपचारपछि घर फर्किएका थिए तर घर फर्किएपछि पारुको मृत्यु भएको प्रहरीले जनाएको छ ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) टेकबहादुर रावतले पारुको मृत्युपछि उनका श्रीमानलाई अनुसन्धानका लागि पक्राउ गरिएको बताएका छन् ।