सुदूरपश्चिम प्रदेशको सञ्चार क्षेत्र बलियो बनाउन प्रदेश सरकार प्रतिबद्ध छ : मुख्यमन्त्री शाह

धनगढी : सुदूरपश्चिम प्रदेशका मुख्यमन्त्री कमलबहादुर शाहले सुदूरपश्चिम प्रदेशको सञ्चार क्षेत्र बलियो बनाउन प्रदेश सरकार प्रतिबद्ध रहेको बताए । धनगढीमा आयोजित सार्वजनिक उत्तरदायित्व प्रवद्र्धनका लागि एफ.एम. रेडियोकर्मीहरूलाई असल अभ्यास सम्बन्धी अनुशिक्षण कार्यक्रममा बोल्दै मुख्यमन्त्री शाहले सो कुरा बताएका हुन ।

नेपाल पत्रकार महासंघ सुदूरपश्चिम प्रदेशको सहकार्य र सुदूरपश्चिम प्रदेश अनुसन्धान तथा प्रशिक्षण प्रतिष्ठानको पुन्ना डोटीको आयोजनामा धनगढीमा २ दिन सम्म संचालन हुने कार्यक्रमले सार्वजनिक उत्तरदायित्व प्रवद्र्धनका लागि सञ्चारकर्मी र सञ्चार क्षेत्रको संरक्षण र प्रवर्धनमा सहयोग पुग्ने उनले बताए ।

कार्यक्रमा बोल्दै उनले भने,“सञ्चार माध्यमहरू भन्दा सामाजिक संञ्जाल बलियो हुँदै गएको गुनासो आइरहेको छ । त्यो राम्रो होइन् प्रदेश सरकार यहाँको सञ्चार क्षेत्र र सञ्चारकर्मी बलियो भएको हेर्न चाहन्छ । विश्वसनीय भरपर्दो र बलियो संञ्चार क्षेत्र बनाउन हामी प्रतिबद्ध छौँ ।” 

उनले सुदूरपश्चिम प्रदेश सरकारले आम संञ्चार नीतिको ल्याउन अन्तिम छलफलमा रहेको समेत बताए । मुख्यमन्त्री शाहले संस्थागत विकासमा जोडदिदै भने ,“संरचनागत रूपमा सुधार गर्नु पर्छ, मुख्यमन्त्री र कर्मचारीको टेबलमा आएको फायल सम्बोधन हुनुपर्छ । विकासको पाटोमा अवरोध हुने गरेका धेरै विषय छन्,यसमा सामूहिक आवाज उठ्न जरुरी छ ।”

सुदूरपश्चिम प्रदेश अनुसन्धान तथा प्रशिक्षण प्रतिष्ठानको पुन्ना डोटीका निर्देशक गेहेन्द्र बम, गाँउपालिका राष्ट्रिय महासंघका उपाध्यक्ष उत्तम रोकाय लगायतका वक्तहरुले सरकारकार असल अभ्यासमा पत्रकारहरुले अवाज उठाउनु पर्नेमा जोड दिएको थियो ।   

नेपाल पत्रकार महासंघ सुदूरपश्चिमका अध्यक्ष भरत शाहको अध्यक्षतामा सुरुभएको दुईदिने सार्वजनिक उत्तरदायित्व प्रवर्धनका लागि एफएम रेडियोकर्मीहरुलाई असल अभ्यास सम्बन्धि अनुशिक्षण कार्यक्रममा सुदूरपश्चिमका रेडियो पत्रकारहरुको सहभागिता रहेको छ ।

कार्यक्रमको सहजीकरण नेपाल पत्रकार महासंघका पुर्व केन्द्रिय अध्यक्ष एव राष्ट्रिय समाचार समितिका अध्यक्ष धर्मेन्द्र झाले गरिरहेका छन् ।