कञ्चनपुरको वाणीमा बस दुर्घटना हुँदा एक जनाको मृत्यु

महेन्द्रनगर : काठमाडौंबाट महेन्द्रनगरतर्फ आइरहेको यात्रुवाहक बस दुर्घटना हुँदा एक जनाको मृत्यु भएको छ। शनिबार बिहान कञ्चनपुरको कृष्णपुर नगरपालिका–२ वाणीस्थित पूर्व–पश्चिम राजमार्गमा यात्रुवाहक बस दुर्घटना हुँदा एक जनाको मृत्यु भएको हो।

जिल्ला प्रहरी कार्यालय कञ्चनपुरका अनुसार ना ७ ख ६१८२ नम्बरको बस शनिबार बिहान कञ्चनपुरको कृष्णपुर नगरपालिका–२ वाणीस्थित पूर्व–पश्चिम राजमार्गमा दुर्घटना हुँदा एक जनाको मृत्यु भएको हो।

मृत्यु हुनेमा कृष्णपुर नगरपालिका–१ बण्ड का ४२ वर्षीय बलबहादुर बोहराका छन्। दुर्घटनामा परी घाइते भएका बोहराको उपचारका क्रममा वाणी अस्पतालमा मृत्यु भएको हो। प्रहरीका अनुसार बसमा पाँच जना मात्र यात्रु सवार रहेका थिए।

बसका चालकलाई प्रहरीले नियन्त्रणमा लिएको छ।