चट्याङ लागेर डोटीमा एक जनाको मृत्यु

डोटी । डोटीमा चट्याङ लागेर एक जनाको मृत्यु भएको छ । डोटीको बडिकेदार गाउँपालिका–५ दुदीलागाउँमा चट्याङ लाग्दा स्थानीय ६६ वर्षीय हर्कबहादुर बोहराको मृत्यु भएको हो ।

बडिकेदार स्थित प्रहरी चौकी खड्यौलीका ईन्चार्ज भष्करदत्त पन्तले आज दिउँसो २ बजेतिर घरको ढोका लगाउने क्रममा चट्याङ लाग्दा बोहराको मृत्यु भएको जानकारी दिएका हुन । चट्याङका कारण सोही गाउँका डम्मरसिंह बोहराका छ वटा बाख्रा समेत मरेका छन् ।