पत्रकार चन्दद्वारा टुहुरा विद्यार्थीलाई स्कुल ड्रेस प्रदान

बडिकेदार(डोटी)ः पत्रकार एकेन्द्र चन्दले आफूले आधारभूत शिक्षा लिएको विद्यालयमा अध्ययनरत् आमाबाबु गुमाएका(टुहुरा) विद्यार्थीहरूलाई विद्यालय पोषाक प्रदान गरेका छन् । यस्तै बाँकी विद्यार्थीलाई शैक्षिक सामग्री प्रदान गरेका छन् ।
डोटीमा क्रियाशिल पत्रकार चन्दले आफूले कक्षा ३ सम्म अध्ययन गरेको बडिकेदार–५ को गौरीशंकर आधारभुत विद्यालय धामिगाउँमा अध्ययन गरिरहेका तीनजना टुहुरा बालबालिकालाई विद्यालय पोसाक र बाँकी ३० जनालाई शैक्षिक सामग्री प्रदान गरेका हुन् ।
‘म विद्यालयमा पुग्दा बालबालिकाको समस्यालाई देखेर मन रोक्न सकिनँ,’ पत्रकार चन्दले भने,‘त्यहीभएर उनीहरूको पढाईमा सहज होस र उत्प्ररित होउन् भनेर सहयोग गरेको हुँ ।’
पत्रकार चन्द नेपाल टेलिभिजनका डोटी संंबाददाता हुन् ।