डोटीको जोरायलमा भिरबाट लडेर गर्भवतीको मृत्यु

डोटी । डोटीमा भिरबाट लडेर गर्भवतीको मृत्यु भएको छ । डोटीको जोरायल गाउँपालिका-१ कि गर्भवती अनिता मल्लको भिरबाट लडेर मृत्यु भएको हो ।

जिल्ला प्रहरी कार्यालय डोटीका अनुसार जङ्गलमा स्याउला संकलन गर्ने क्रममा २१ वर्षीया अनिता मल्लको भिरबाट लडेर मृत्यु भएको जनाएको हो । उनी मंगलबार बिहान स्याउला लिन घरबाट करिब २ किलोमिटर टाढाको जङ्गलमा गएकी थिइन ।

अनिताका ससुरा प्रेमबहादुर मल्लले दिउँसो खाना खाने समयमा घर नफर्केपछि खोजतलास गर्दा स्याउला संकलन गरेको स्थानबाट करिब चार सय मिटर तल खोल्सामा मृत अवस्थामा फेला परेको जानकारी दिएका छन् ।

प्रहरी, जनप्रतिनिधि, स्थानीय बासिन्दाको सहयोगमा मृतकको भिरबाट शव निकालिएको छ ।