सेती प्रादेशिक अस्पतालको प्रयोगशालामा थप ६८ जनामा कोरोना पुष्टि, धनगढीमा मात्रै ३७ जना संक्रमित थपिए

धनगढी, असोज १० (ई–रैवार)

सेती प्रादेशिक अस्पतालको प्रयोगशालामा थप ६८ जनामा कोरोना पुष्टि भएको छ । सेती प्रादेशिक अस्पतालको प्रयोगशालामा २ सय ९८ जनाको नमुना परिक्षण गर्दा शनिबार थप ६८ जनामा संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलिप कुमार श्रेष्ठले दिएको जानकारी अनुसार कैलालीका ५४ जना, कंचनपुरका १३ जना र अछामका १ जनामा क्रमण पुष्टि भएको छ ।

धनगढीमा मात्रै ३७ जना संक्रमित थपिए

धनगढी उपमहानगरपालिकामा आज ३७ जना कोरोना संक्रमित थपिएका छन । सेती प्रादेशिक अस्पतालको प्रयोगशालामा भएको परीक्षणमा धनगढीका ३७ जनामा संक्रमण पुष्टि भएको हो ।

अस्पतालका सूचना अधिकारी दिलिप कुमार श्रेष्ठले दिएको जानकारी अनुसार धनगढी उप–महानगरपालिका वडा नम्वर १ का ११ जना, वडा नम्बर २ का ६ जना, वडा नम्बर ३ का ४ जना, वडा नम्बर ४ का ३ जना, वडा नम्बर ५ का १ जना, वडा नम्बर ६ का ३ जना, वडा नम्बर ७ का १ जना, वडा नम्बर ८ का ५ जना, धनगढीकै ठेगाना नखुलेका ३ जनामा कोरोना पुष्टि भएको छ ।