कांग्रेस कैलाली-५ को सभापतिमा भीम पडाल विजयी, सचिवमा सुवेदी

धनगढी । नेपाली कांग्रेस कैलाली क्षेत्र नम्बर ५ को सभापतिमा भीम पडाल विजयी भएका छन्। बुधबार सम्पन्न अन्तिम मतपरिणामअनुसार पडालले ४२३ मत प्राप्त गर्दै सभापतिमा दोस्रो कार्यकालका लागि निर्वाचित भएका हुन्।

उनका निकटतम प्रतिद्वन्द्वी केशवराज जोशीले १९७ मत प्राप्त गरे।

यस्तै, क्षेत्रीय सचिवमा डण्डीराज सुवेदी ३२१ मतसहित विजयी भएका छन्। उनका निकटतम प्रतिद्वन्द्वी महेश गोलेले १६३ मत प्राप्त गर्दा कुबेर थापाले १०६ मत पाए।

क्षेत्रीय कार्यसमितिका अन्य पदको मतगणना भने जारी रहेको निर्वाचन अधिकृतले जानकारी दिएका छन्।