डा. गोविन्द केसीका मागबारे आज फेरि वार्ता

धनगढी : डा. गोविन्द केसीका माग सम्बोधनका विषयमा सरकारी वार्ता टोली र डा. केसी पक्षबीच आज पुनः वार्ता भैरहेको छ। आइतबार दिनभर चलेको वार्तामा सहमति जुट्न नसकेपछि आज पुनः वार्ता भैरहेको हो ।

सहिद दशरथचन्द स्वास्थ्य विज्ञान विश्वविद्यालयको कुलपति नियुक्ति तथा निजी मेडिकल कलेजलाई सम्बन्धन स्वीकृति दिने संख्यासम्बन्धी विषयमा सहमति जुट्न नसकेपछि निष्कर्षमा पुग्न सकिएको थिएन।

दुवै पक्षले बाँकी विवादित विषयमा थप छलफल गर्ने सहमतिसहित वार्ता सोमबार बिहान १० बजेसम्मका लागि स्थगित गरेका थिए।

आज हुने वार्ताबाट बाँकी विवाद टुंग्याएर सहमति हुने अपेक्षा गरिएको छ। वार्ताको नतिजापछि डा. केसीको जारी सत्याग्रहबारे थप निर्णय हुने बताइएको छ।