धनगढीमा दुई भारतीय नागरिक २८ लाखसहित पक्राउ

धनगढी : कैलालीको धनगढीमा दुई जना भारतीय नागरिक २८ लाखसहित पक्राउ गरेका छन् ।

जिल्ला प्रहरी कार्यालयका प्रहरी नायब उपरीक्षक राजकुमार सिंहका अनुसार धनगढी उपमहानगरपालिका-३ मिलनचोकबाट २८ लाख ३५० नगदसहित दुई जना भारतीय नागरिकलाई पक्राउ गरिएको हो ।

प्रहरी नायब उपरीक्षक सिंहका अनुसार मिलनचोकबाट भारतको लखिमपुर खिरी पलियाका हरचित गुप्ताले चलाएको भारतीय युपी ३१ सिएन ११७५ नंको कारमा जाँच गर्दा त्यसमा सवार सोही ठाउँका सागर गुप्तालाई स्रोत नखुलेको नेपाली रुपैयाँसहित पक्राउ गरिएको हो ।

विशेष सूचनाको आधारमा उनीहरुलाई पक्राउ गरेको जिल्ला प्रहरी कार्यालयका प्रवक्ता प्रहरी नायव उपरीक्षक सिंहले बताए । उनले पक्राउ परेका दुवैलाई हिरासतमा लिएर अनुसन्धान भइरहेको जानकारी दिए ।