धनगढी उपमहानगरपालिकाले एउटा सडकलाई गर्‍यो जेनजी मार्ग नामकरण

धनगढी : धनगढी उपमहानगरपालिकाले एउटा सडकलाई जेनजी मार्ग नामकरण गरेको छ । उपमहानगरपालिका–१ मा रहेको पार्कमोड, कभर्ड हल हुँदै क्याम्पस रोड जोड्ने सडकलाई जेनजी मार्ग नामकरण गरिएको हो।

नेपालमा सत्ता नै उलटफेर गर्नेगरी भएको जेनजी आन्दोलन सफल भएपछि जेनजी शहीदहरूको सम्मानमा धनगढी उपमहानगरपालिकाका प्रमुख गोपाल हमालले सो मार्गलाई जेनजी मार्ग नामकरण गर्ने घोषणा गरेकोबताएका हुन।

नगर प्रमुख हमालको घोषणापछि जेनजीहरुले नै जेनजी मार्ग लेखिएको बोर्ड ठाउँ ठाउँमा राखेका छन्। घोषणाअनुसार सडकको नामकरण जेनजी मार्ग राख्ने प्रस्ताव कार्यपालिकाको बैठकबाट समेत पारित गरिने नगर प्रमुख हमालले बताएका छन्।