राष्ट्रपतिद्वारा प्रधानमन्त्रीको राजीनामा स्वीकृत, संविधान अनुसार सरकार गठन अघि बढाउने

काठमाडौं : प्रधानमन्त्री केपी शर्मा ओलीले दिएको राजीनामा स्वीकृत भएको छ। राष्ट्रपति रामचन्द्र पौडेलले प्रधानमन्त्री ओलीको दिएको राजीनामा स्वीकृत गरेका हुन्।

जेन-जीको आन्दोलनमा १९ जनाको मृत्यु भएर आज आन्दोलन नियन्त्रण बाहिर गएपछि प्रधानमन्त्री केपी शर्मा ओलीले राजीनामा दिएका थिए।

राष्ट्रपति पौडेल नेपालको संविधान अनुसार सरकार गठनको प्रक्रिया अघि बढाउने तयारी गरेका छन्। ‘राष्ट्रपति ज्यू संविधान अनुसार सरकार गठनको प्रक्रिया अघि बढाउन परामर्शमा हुनुहुन्छ,’ राष्ट्रपतिका एक सल्लाहकारले भने।