जेनजी प्रदर्शन : घटनाको नैतिक जिम्मेवारी लिँदै राजीनामा दिने तयारीमा गृहमन्त्री लेखक

काठमाडौँ : गृहमन्त्री रमेश लेखकले राजीनामा दिने भएका छन् । पार्टीको पदाधिकारी बैठकमा गृहमन्त्रीको राजीनाकाको विषय उठेपछि गृहमन्त्री लेखक राजीनामा दिने मनस्थितिमा पुगेका हुन् ।

कांग्रेसको बैठकमा गृहमन्त्रीको भूमिकामाथि प्रश्न उठेको थियो। ठूलो मानवीय क्षति हुने गरी बल प्रयोग गरेको भन्दै नेताहरूले प्रश्न उठाएपछि घटनाको जिम्मेवारी लिँदै लेखकले राजीनामा दिनुपर्ने निष्कर्ष निकालेको थियो । बैठकको निष्कर्षपछि गृहमन्त्रीले राजीनामा दिने तयारी गरेका हुन् ।  

जेन जीले काठमाडौंसहित देशका विभिन्न शहरमा गरेको प्रदर्शनका क्रममा अहिलेसम्म २० जनाको ज्यान गएको छ । काठमाडौं उपत्यकामा १८ र इटरीमा २ जना गरी २० जनाको मृत्यु भएको हो ।