कैलालीमा सर्पको टोकाइबाट एक शिक्षक र बालिकाको मृत्यु

धनगढी । कैलालीमा सर्पको टोकाइबाट एक शिक्षक र बालिकाको मृत्यु भएको छ । सर्पको टोकाइबाट कैलालीको गोदावरीमा रहेको शारदा माविमा कार्यरत शिक्षक पार्वती अवस्थी र सोही पालिका ९ बल्मीका ५ वर्षीया रितु भाटको मृत्यु भएको हो।

प्रहरीका अनुसार सर्पले टोकेपछि सेती प्रादेशिक अस्पतालमा भर्ना गरिएकी अवस्थीको उपचारका क्रममा मृत्यु भएको हो । उनी धनगढी उपमहानगरपालिका – ३ बोराडाँडी निवासी हुन ।

रितुलाई बुधवार राती आगनमा खेलिरहेको अवस्थामा सर्पले टोकेको थियो। उनको उपचारका क्रममा सेती प्रादेशिक अस्पतालमा मृत्यु भएको जिल्ला प्रहरी कार्यालयले जनाएको छ।