कैलालीको फुलवारीमा एक नवजात शिशु फालिएको अवस्थामा फेला

धनगढी । कैलालीको फुलवारीमा एक नवजात शिशु बेवारिसे अवस्थामा फेला पारिएको छ । धनगढी उपमहानगरपालिका १४ एच गाउँ स्थित साईनोचोक नजिकै एक नवजात शिशु बेवारिसे अवस्थामा फेला पारिएको हो ।

स्थानियका अनुसार रोइरहेको अवस्थामा सडक छेउको नालामा सालनाल सहित शिशु फेला परेको हो । स्थानीयले रोइरहेको अवस्थामा शिशुलाई देखेपछि इलाका प्रहरी कार्यालय बहुलियालाई खबर गरेका थिए ।

नवजात शिशुलाई प्रहरीले सकुशल उद्धारगरी सेती प्रादेशिक अस्पताल धनगढी पठाइएको इलाका प्रहरी कार्यालय बहुलियाका वरिष्ठ प्रहरी नायब निरीक्षक लोकेन्द्र चन्दले जानकारी दिएका छन्।

शिशुलाई कोले जन्माएर बेवारिसे अवस्थामा छोड्यो भन्ने विषयमा अनुसन्धान भइरहेको चन्दले बताए ।