बाख्रामा अज्ञात रोग, २१ मरे

कञ्चनपुर साउन ७(ई–रैवार) : कञ्चनपुरमा बाख्रामा अञात रोग फैलिएको छ । अञात रोगबाट को शुक्लाफाँटा नगरपालिका–८ मा एकै दिन २१ बाख्रा मरेका छन् । बाख्राहरुमा घाँस खाएपछि एकपछि अर्को गर्दै धमाधम बाख्रा मर्न थालेको कृषहरु बताउछन् । यसरी बाख्रा मर्न थालेपछि बाख्रपालक किसान चिन्तित भएका छन् । कराउने, थरथरी काम्ने, मुखबाट र्याल फालेर बाख्रा मर्ने गरेको स्थानीयवासीले बताएका छन् ।
भमरभोज टोल र पारिफाँटाका बाख्रापालकका बाख्रा मरेको वडाध्यक्ष बहादुरसिंह महराले बताए । उनले भने,‘धेरै बाख्रा मरेको भन्ने खबर आएको छ, विवरण सङ्कलन भइरहेको छ, धमाधम बाख्रा मर्न थालेपछि स्थानीय बासिन्दालाई बाख्राको मासु नखान भनेका छौँ ।’