कैलालीको गोदावरीमा आमा–छोरी मृत भेटिए

धनगढी । कैलालीको गोदावरीको एक घरमा आमा–छोरी मृत अवस्थामा भेटिएका छन् । जिल्ला प्रहरी कार्यालय कैलालीका प्रबक्ता डिएसपी कवीन्द्रसिंह बोहोराका अनुसार गोदावरी नगरपालिका वडानम्बर ११ गोठानमा आमाछोरी मृत भेटिएका हुन् ।

डिएसपी बोहोराले अन्दाजी २३/२४ वर्षीया मिरा कामी र उनकी २ वर्षीया छोरी प्रिन्सी बिहीबार साँझ सात बजेको समयमा मृत फेला परेको बताएका हुन् ।

चारकोठे टिनको छानो भएको घरमा उनीहरू भेटिएको र घटनाबारे थप अनुसन्धान भइरहेको प्रहरीले जनाएको छ । दुबैजनाको शव परिक्षणका लागी सेती प्रादेशिक अस्पताल राखीएको छ । मृतकका श्रीमान रोजगारीका लागी भारत रहेका छन् ।