छाउगोठमा सुतेकी महिलामाथि बाघले गर्‍यो आक्रमण

धनगढी । छाउगोठमा सुतिरहेकी महिलालाई बाघले आक्रमण गरेको छ । कैलालीको मोहन्याल गाउँपालिका-७ कुइनेमा ४५ वर्षीय सरस्वती बिकलाई आइतबार राति बाघले आक्रमण गरेको प्रहरीले जनाएको हो।

जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बोहराका अनुसार मोहन्याल गाउँपालिका-७ कुइनेकी ४० वर्षीया सरस्वती बिकलाई आइतबार राति साढे १० बजेको समयमा छाउगोठमा सुतिरहेको अवस्थामा बाघले आक्रमण गरी घाइते बनाएको हो ।

बाघको आक्रमणले उनको टाउको र मुखमा चोटमा लागेको छ । गाउँलेले होहल्ला गरेपछि बाघ भागेको उनको भनाई छ । बिकलाई अहिले उपचारको लागि लम्की ल्याउने तयारी गरिएको जानकारी दिए । उनको अवस्था भने खतरामुक्त रहेको छ ।