सात जिल्लाका सिडिओ फेरिए, कैलालीमा हमाल (सूचीसहित)

धनगढी । गृह मन्त्रालयले कैलाली सहित सातवटा जिल्लाका सिडिओ हेरफेर गरेको छ । सोमबारको निर्णय अनुसार १२ जना सहसचिव तथा उपसचिवको सरुवा गरिएको हो ।

जसमा कैलालीसहित सातवटा जिल्लाका सिडिओ पनि फेरिएका हुन् । कैलालीको सिडिओमा गृह मन्त्रालयका गोगनबहादुर हमाललाई खटाइएको छ । त्यस्तै काठमाडौंको सिडिओमा गृह मन्त्रालयका ऋषिराम तिवारीलाई र धर्मेन्द्र मिश्रलाई सुनसरीको जिम्मेवारी दिइएको छ ।

यसैगरी तुलसी बहादुर श्रेष्ठ सर्लाही, इन्द्रदेव यादब मोरङ, गोपाल कुमार अधिकारी झापा र शावित्रा पुनलाई सल्यानमा सिडिओ बनाइएको गृह मन्त्रालयले जनाएको छ ।