हात्तीको आक्रमणबाट कञ्चनपुरमा एक जनाको मृत्यु

कञ्चनपुर । हात्तीको आक्रमणबाट कञ्चनपुरमा एक जनाको मृत्यु भएको छ । कञ्चनपुरको लालझाडी गाउँपालिकामा शनिबार राति उखुबारीमा आएका हात्ती धपाउने क्रममा लालझाडी गाउँपालिका-४ डाँडाजाँईका ५० वर्षीय रामदल रानाको मृत्यु भएको हो ।

सब-डिभिजन वन कार्यालय कुण्डाका वन अधिकृत दिनेश यादवका अनुसार रातिको समयमा उखुबारीमा आएका हात्ती धपाउने क्रममा रानामाथि आक्रमण भएको हो । शुक्लाफाँटा राष्ट्रिय निकुञ्जबाट धेरै हात्तीहरू बस्तीमा पसेका थिए ।