कैलालीका सबै स्थानीय तहले दिए आज सार्वजनिक बिदा

धनगढी । कैलालीका सबै स्थानीय तहले आज सार्वजनिक बिदा दिएका छन्। कैलालीमा रहेका नौवटै स्थानिय तहले आज नागपञ्चमी र थारु समुदायले मनाउने गुरही (गुरिया) पर्वको अकसरमा बिदा दिने निर्णय भएको ती स्थानीय तहले जनाएका हुन्।

‘हिन्दुले मनाउने नागपञ्चमी, थारु समुदायको गुरिया, कठरिया थारुको पचइया र विश्व आदिवासी दिवस परेकाले आज बिदा दिएका छौ,’ स्थानीय तहहरुले जारी गरिएको सुचनामा भनिएको छ ।

धनगढी उपमहानगरपालिका, भजनी, टीकापुर, गोदावरी, गौरीगंगा, घोडाघोडी नगरपालिका, जानकी, कैलारी र बर्दगोरिया गाउँपालिकाले आज बिदा दिएका छन्।