मोहना नदीमा अलपत्र परेकाहरूको सशस्त्र प्रहरीद्वारा उद्धार
धनगढी । मोहना नदीमा अलपत्र परेका ५ जनाको उद्धार गरिएको छ । वर्षासँगै मोहना नदीमा आएको बाढीमा फसेका ५ जनाको सशस्त्र प्रहरीले सकुशल उद्धार गरेको हो ।
कैलाली जिल्लाको धनगढी उपमहानगरपालिका–१८ नोक्लिपुरबाट नदी पार गरी घाँस काट्न गएका उनीहरू सो नदीमा पानीको बहाव बढेपछि अलपत्र परेका थिए ।
उनीहरू नदीपारि अलपत्र परेको भन्ने जानकारी प्राप्त हुनासाथ सशस्त्र प्रहरी बल नेपाल बोर्डर आउट पोस्ट फूलबारीबाट खटिएको सुरक्षा फौजले र्याफ्ट बोटको प्रयोग गरी सकुशल उद्धार गरेको हो ।
यसैगरी सोही उपमहानगरपालिका–१५ स्थित कनरी गाँउमा खटिया नदीमा पानीको बहाव बढ्न गई डुबानमा परेका ७ घरपरिवारलाई सोही बिओपीबाट खटिएको सुरक्षा फौजले सुरक्षित स्थानमा सारेको छ ।
प्रतिकृया दिनुहोस्