July 18, 2024, Thursday
३ श्रावण २०८१, बिहीबार

यार्चागुम्बा संकलन गर्न गएका युवकको भीरबाट लडेर मृत्यु

दार्चुला । यार्चागुम्बा संकलन गर्न गएका एक युवकको भीरबाट लडेर मृत्यु भएको छ । अपिहिमाल गाउँपालिका-३ स्थित काँटै दोनथे पाटनमा यार्चागुम्बा संकलन गर्न गएका २४ वर्षीय मिलन कार्कीको भीरबाट लडेर मृत्यु भएको हो ।

स्थानीय शोवनसिंह लोथ्यालका अनुसार शुक्रबार यार्चागुम्बा संकलनका क्रममा अपिहिमाल गाउँपालिका-३ राताभिटाका २४ वर्षीय कार्कीको लडेर मृत्यु भएको हो । उनले काँटैस्थित दोनथे भन्ने वनमा यार्चागुम्बा खोज्ने क्रममा भीरबाट लडेर मृत्यु भएको बताएका हुन।

यार्चा खोजेर बाँस बस्ने ठाउँमा फर्कने क्रममा उनको लडेर मृत्यु भएको बताइएको छ । मृत्तकको शव आफन्तहरू लेकबाट गाउँतिर ल्याइरहेको स्थानीय लोथ्यालले बताए ।