February 24, 2024, Saturday
१२ फाल्गुन २०८०, शनिबार

कञ्चनपुरबाट ५ किलो भन्दाबढी लागूऔषध चरेससहित एक जना पक्राउ

धनगढी । कञ्चनपुरमा ५ किलो भन्दा बढी लागूऔषध चरेससहित एक जना पक्राउ परेका छन् । नेपाल प्रहरी प्रदेश कार्यालय महेन्द्रनगर र वडा प्रहरी कार्यालय महेन्द्रनगर कञ्चनपुरबाट संयुक्त रूपमा खटिएको प्रहरी टोलीले शङ्का लागि चेकजाँच गर्दा नर बहादुर धामीले बोकिराखेको झोलाबाट लागू औषध फेला पारेको हो ।

प्रहरीका अनुसार भीमदत्त नगरपालिका वडा नम्बर ३ तिलकपुरबाट ५ किलो १०४ ग्राम लागू औषध चरेससहित बझाङको केदास्युँ गाउँपालिका वडा नम्बर ६ बस्ने ६३ वर्षीय धामी पक्राउ परेका हुन् ।

धामीलाई पक्राउगरी यस सम्बन्धमा थप अनुसन्धान गरिरहेको प्रहरीले जनाएको छ ।