कैलारीको ९ नम्बर वडा कार्यालयमा स्थनियले गरे तालाबन्दी

धनगढी । कैलारी गाउँपालिकाको एक वडा कार्यालयमा तालाबन्दी गरिएको छ। कैलालीको कैलारी गाउँपालिकाको ९ नम्बर वडा कार्यालयमा स्थानीयले तालाबन्दी गरेका हुन । 

वडा कार्यालयको हरेक काममा अनियमितता बढेको र वडाध्यक्षले गलत विधि प्रक्रिया अनुसार काम बढाएको भन्दै स्थानीयले नाराबाजीसहित वडा कार्यालयमा तालाबन्दी गरेका हुन । 

स्थानीय कमल सिंह रानाले वडाध्यक्ष खेमराज चौधरीले तालतलैयाको ठेक्का, खानेपानी, सिँचाइ कुलो, उपभोक्ता समिति निर्माण, खानेपानी, विद्युत् विस्तारलगायत गतिविधिमा मनलाग्दी गर्दै आएको बताए ।

वडाध्यक्ष चौधरी हाल सम्पर्क विहीन रहेका छन् । गाउँपालिका अध्यक्ष राजसमझ चौधरीले आफूले पनि तालाबन्दी भएको खबर सुनेको बताए । वार्ताको माध्यमबाट समस्या निकास निकाल्ने उनको भनाइ थियो ।