नदीमा डुबेर कैलालीमा दुई बालकको मृत्यु

धनगढी । नदीमा डुबेर कैलालीमा दुई बालकको मृत्यु भएको छ । जिल्ला प्रहरी कार्यालय कैलालीका अनुसार काँडा नदीमा नुहाउने क्रममा डुबेर ६ वर्षीय दिप्सन मल्ल र ८ वर्षीय आयुष मल्लको मृत्यु भएको हो ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कुलदिप चन्दले नदीमा नुहाउने क्रममा डुबेर बर्दगोरीया गाउँपालिका- ६ का ६ वर्षीय दिप्सन मल्ल र सोही ठाउँका ८ वर्षीय आयुष मल्लको मृत्यु भएको बताएका हुन।

प्रवक्ता चन्दले बिहीबार साँझ उनीहरुको शव नदीको बीच भागबाट निकालिएको बताए । मृतकको शव परीक्षणपछि आफन्तले बुझेका छन् ।