प्रधानमन्त्री प्रचण्डलाई कैलालीको गौरीगंगामा कालो झण्डा देखाइयो

धनगढी । प्रधानमन्त्री पुष्पकमल दाहाल प्रचण्डलाई कैलालीको मसुरियामा कालो झण्डा देखाइएको छ। प्रधानमन्त्री प्रचण्डलाई सोमबार क्रान्तिकारी कम्युनिस्ट पार्टी कैलालीले कालो झण्डा देखाएको हो।

गौरीगंगा नगरपालिकाको नवनिर्मित भवन उद्घाटनमा सहभागी हुन आएका प्रधानमन्त्री प्रचण्डलाई मसुरियामा क्रान्तिकारी कम्यूनिष्ट पार्टी नेपाल र क्रान्तिकारी युवा संगठनले कालो झण्डा देखाएका हुन्।

व्याख्यात्मक टिप्पणीको नाममा ‘राष्ट्रघाती एमसीसी सम्झौता’ पास गरेको भन्दै प्रचण्डलाई कालो झण्डा देखाएको पार्टीले जनाएको छ।

समाजवादी मोर्चाको सन्देश सभामा सहभागी हुन धनगढी पुगेका प्रधानमन्त्री प्रचण्ड गौरीगंगा नगरपालिकाको नवनिर्मित भवन उद्घाटनमा पुगेका थिए।