एक महिनादेखि अनिश्चित हुँदै आएको सुदुरपश्चिम प्रदेशसभा बैठक आज बस्दै

धनगढी । करिब एक महिनापछि आज सुदूरपश्चिम प्रदेशको प्रदेशसभा बैठक बस्दै छ । एक महिनादेखि अनिश्चित हुँदै आएको सुदूरपश्चिम प्रदेशसभा बैठक आज दिउँसो १ बजे बस्ने गरी बोलाइएको हो ।

प्रदेशसभा सचिवालयले सूचना टाँसेर तथा प्रदेशसभा सदस्यहरुलाई मोबाइलमा सन्देश पठाएर बैठकमा सहभागी हुन अनुरोध गरिएको छ । प्रदेशसभा सचिव देबबहादुर बोगटीले जारी गरेको सूचनामा भनिएको छ– ‘असोज १६ गते मंगलबार दिनको १ः०० बजे प्रदेशसभाको वैठक बस्ने भएकाले सम्पूर्ण प्रदेशसभा सदस्यज्यहरुको उपस्थितिका लागि अनुरोध छ।’

आज बस्ने बैठकमा संविधानसभाका अध्यक्ष तथा प्रतिनिधिसभा सदस्य सुवासचन्द्र नेम्वाङको निधन प्रति शोक प्रस्ताव पारित गर्ने कार्यसूची रहेको छ।