अन्तत: गेटा विश्वविद्यालयको गेटैमा धान रोपाइँ

धनगढी । कैलाली स्थित गेटा विश्वविद्यालयको गेटैमा धान रोपाइ गरिएको छ । राष्ट्रिय धान दिवसको अवसरमा स्थानीयहरूले रोपाइँ गरेका हुन् ।

शहीद दशरथ चन्द राष्ट्रिय स्वास्थ्य विज्ञान विश्वविद्यालय माग्दै सङ्घर्षरत स्थानीयहरूले विश्वविद्यालयको गेटैमा धान रोपाइ गरेका हुन् । तत्काल चालु संसदको अधिवेशनबाटै शहीद दशरथ चन्द राष्ट्रिय स्वास्थ्य विज्ञान विश्वविद्यालय विधेयक पारितगरी ६ सय शय्याको अस्पताल सञ्चालन गर्न दबाब दिन साङ्केतिक विरोध स्वरूप रोपाइँ गरेको सङ्घर्ष समितिका प्रवक्ता गणेश शाहले बताए ।

शहीद दशरथ चन्द राष्ट्रिय स्वास्थ्य विज्ञान विश्वविद्यालयको माग्दै सङ्घर्ष समितिले लामो समयदेखि आन्दोलन गर्दै आएको छ ।