दार्चुलामा सुत्केरी महिलाको हेलिकप्टरबाट उद्धार

दार्चुला । एक सुत्केरी महिलाको हेलिकप्टरबाट उद्दार गरिएको छ । दार्चुलाको लेकम गाउँपालिकाकी पार्वती सार्कीको नेपाली सेनाको हेलिकप्टरबाट उद्दार गरिएको हो ।

जिल्ला प्रशासन कार्यालय दार्चुलाका अनुसार लेकम गाउँपालिका २ भटाइजरकी ३३ वर्षीया पार्वती सार्कीको राष्ट्रपति महिला उत्थान कार्यक्रमअन्तर्गत नेपाली सेनाको हेलिकप्टरबाट उद्दार गरिएको हो ।

बिहिवार दिउँसो गराडी स्वास्थ्य चौकीमा बच्चा जन्माएकी सार्कीलाई उच्च रक्तस्रावको समस्या देखिपछि थप उपचारका लागि शुक्रवार बिहान हेलिकप्टरमार्फत उद्धार गरि कर्णाली प्रादेशिक अस्पताल सुर्खेत लगिएको दार्चुलाका प्रमुख जिल्ला अधिकारी किरण जोशीले जानकारी दिए ।