जंगलमा गाडेको अवस्थामा महिलाको शव भेटियो

धनगढी । सामुदायिक वनमा गाडिएको अवस्थामा महिलाको शव फेला परेको छ । कैलालीको गौरीगंगा नगरपालिका- २ मा घर नजिकैको सामुदायिक वनमा गाडेको अवस्थामा महिलाको शव भेटिएको हो ।

जिल्ला प्रहरी कार्यालय कैलालीका प्रहरी निरीक्षक खगेन्द्र साउदका अनुसार कैलालीको गौरीगंगा नगरपालिका-२ की २७ वर्षीया कविता बुढाको शव घर नजिकैको सामुदायिक वनमा गाडेको अवस्थामा भेटिएको जानकारी दिएका हुन ।

प्रहरी निरीक्षक साउदका अनुसार बुढाको शव केदारेश्वर सामुदायिक वनमा गाडिएको अवस्थामा भेटिएको हो । बुढाका परिवारले उनी हराएको भन्दै सोमबारमात्र खोजीका लागि प्रहरीमा निवेदन दिएका थिए । उनको कसैले हत्या गरेर शव गाडेको हुनसक्ने प्रहरीले बताएको छ ।