कैलालीमा कार्यरत एक ट्राफिक प्रहरीको दुर्घटनाबाट मृत्यु

धनगढी । कैलालीको धनगढीमा एक ट्राफिक प्रहरीको दुर्घटनाबाट मृत्यु भएको छ। जिल्ला ट्राफिक प्रहरी कार्यालय कैलालीमा कार्यरत प्रहरी सहायक हल्दार जनकराज धामीको दुर्घटनाबाट मृत्यु भएको हो ।

जिल्ला ट्राफिक प्रहरी कार्यालय कैलालीका अनुसार धनगढी उपमहानगरपालिकाको बोराडाँडीमा बिहीवार साँझ दुर्घटनामा घाइते भएका प्रहरी सहायक हल्दार धामीको शनिबार मृत्यु भएको हो ।

बिहीवार साँझ राजपुरको ट्राफिक बिट जाने क्रममा मोटरसाइकल चलाइरहेका धामी बोराडाँडीमा गाईसँग ठक्कर खाँदा घाइते भएका थिए ।

घाइते धामीको शनिवार राति धनगढीको माया मेट्रो अस्पतालमा उपचारका क्रममा मृत्यु भएको जिल्ला ट्राफिक प्रहरीले बताएको छ ।