भारतको महाराष्ट्रमा कैलालीका युवकको हत्या

कैलाली । भारतको महाराष्ट्रमा कैलालीका एक युवकको हत्या भएको छ । लम्कीचुहा–६ वावनपुरका कमल विकको हालै भारतको महाराष्ट्रमा हत्या भएको हो ।

रोजगारीको लागि महाराष्ट्रको आलिबागमा बस्दै आएका १८ वर्षीय कमल विकको आफ्नै साथीहरूले हत्या गरेको मृतककी आमा पार्वतीले बताएकी हुन् ।

छोराको बीभत्स हत्या गरिएको भन्दै आमाले वावनपुर घर भई हाल आलिबागमा बस्दै आएका चार व्यक्तिको नाममा किटानी जाहेरी दिएकी छन् । माघ १ गते महाराष्ट्र राईगढको आलिबाग ठाना प्रहरीमा पनि उजुरी दिएको उनले बताइन् ।