दार्चुलामा लागुऔषध चरेशसहित ७० वर्षीय वृद्ध पक्राउ

दार्चुला । लागुऔषध चरेशसहित दार्चुलामा एक जनालाई प्रहरीले पक्राउ गरेको छ । दार्चुलाको दुँहु गाउँपालिका- ४ घर भइ हाल महाकाली नगरपालिका- ४ स्थित महादेव खुद्रा पसल संचालन गर्दै आएका ७० वर्षीय वृद्ध बिरसिंह लोथ्याललाई प्रहरीले पक्राउ गरेको हो ।

जिल्ला प्रहरी कार्यालय दार्चुलाका प्रवक्ता प्रहरी निरीक्षक गोविन्दप्रसाद भण्डारीले बिशेष सूचनाका आधारमा पसल तलासी गर्दा लुकाई राखेको अवस्थामा ३ केजी ८ सय ग्राम चरेश सहित उनलाई मंगलबार साँझ पक्राउ गरिएको बताएका हुन ।

प्रहरी प्रवक्ता भण्डारीले उनलाई अदालतबाट म्याद थपेर थप अनुसन्धान भइरहेको बताएका छन् ।