बैंकर्स क्लब डाेटीकाे पहिलो साधारणसभा सम्पन्न, अध्यक्षमा पुन: भट्ट

दिपायल: बैंकर्स क्लब डोटीको अध्यक्षमा तपराज भट्ट पुन: चयन भएका छन् । शुक्रबार सिपायलमा बसेको क्लबको पहिलो साधारणसभाले भट्टलाई सर्वसम्मत अध्यक्षमा निरन्तरता दिएको हो ।

यस्तै उपाध्यक्षमामा चेतमान बाेहरा र शंकरबहादुर बाेगटी, सचिवमा भास्करप्रसाद जाेशी, काेषाध्यक्षमा लक्ष्मण भट्ट र सह-सचिवमा नवीन मेधासी पनि सर्वसम्मत चयन भएका छन् ।
यस्तै सदस्यहरूमा राजेशबहादुर सिंह, कृष्णबहादुर राणा, लालबहादुर साउँद, नवीन जाेशी र सपना हदिउला थारु सर्वसम्मत चयन भएका छन् ।
डोटीमा केही महिनाअघि भट्टको नेतृत्वमा बैंकर्स क्लबको तदर्थ समिति गठन भएको थियो । सोही क्लबको पहिलो साधारणसभाबाट पहिलो निर्वाचित कमिटी सर्वसम्मत आएको हो ।