घाँटी रेटेर एक किशोरीको बैतडीमा हत्या, एक जना घाइते

बैतडी । बैतडीमा एक किशोरीको घाँटी रेटी हत्या गरिएको छ । पञ्चेश्वर गाउँपालिका ४ सैलोडाकी २१ वर्षीया माया लुहारको हत्या गरिएको अवस्थामा शव फेला परेको हो ।

जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीले पञ्चेश्वर गाउँपालिका ४ सैलोडाकी १५ वर्षीया नेहा लुहार घाइते अवस्थामा फेला परेको जानकारी दिएका छन् ।

प्रवक्ता प्रहरी निरीक्षक लोकराज जोशीका अनुसार मङ्गलवार बिहान १० बजे घरबाट पञ्चेश्वर गाउँपालिका ३ कुलाउमा लुगा सिलाउन गएका दुवै जना घर नफर्केपछि खोजी गर्दै जाँदा बुधवार मायाको शव फेला परेको र नेहा घाइते अवस्थामा फेला परेकी थिइन्।

नेहाको पनि घाँटीमा रेटिएको छ । उनलाई उपचारका लागि प्राथमिक स्वास्थ्य केन्द्र पाटन पठाइएको प्रहरीले जनाएको छ ।अहिले घटनाको अनुसन्धान भइरहेको प्रवक्ता जोशीले बताए ।