एमालेको विजय जुलुसमा सहभागि हुने कार्यकर्ता बोकेको हाइस दुर्घटना हुँदा तीनको मृत्यु

धनगढीः नेकपा एमालेको विजय जुलुसमा सहभागि हुने कार्यकर्ता बोकेको माइक्रो बस (हाइस) दुर्घटना हुँदा तीन जनाको मृत्यु भएको छ । दार्चुला जिल्लाको शैल्यशिखर नगरपालिका–६ ग्यानीमा हाइस माइक्रो बस दुर्घटना हुँदा ३ जनाको मृत्यु भएको हो ।

जिल्ला प्रहरी कार्यालय दार्चुलाका अनुसार दुर्घटनामा परि चालक शैल्यशिखर–६ २३ वर्षका प्रकाश धामी, सोही ठाउँका २२ वर्षका नवीन सिङ्ग धामी र १९ वर्षका हरि सिङ धामीको मृत्यु भएको हो ।

गोकुलेश्वरबाट ग्यानीतर्फ गइरहेको से १ ज २७७ नम्बरको हाइस सडकबाट ५ मिटर तल रोल खोलामा खस्दा ३ जनाको मृत्यु भएको प्रहरीले जनाएको छ ।