धनगढीबाट लागुऔषध सहित दुई जना पक्राउ

धनगढी, असोज २४ (ई-रैवार)

धनगढीबाट लागुऔषध सहित दुई जना पक्राउ परेका छन । प्रहरीले धनगढी उपमहानगरपालिका वडा नम्बर २ स्थित राम जानकी मन्दिर नजिक बाट २५ बर्षिय राजु गुप्ता र २७ बर्षिय किरन भुजेललाई पक्राउ गरिएको हो ।

जिल्ला प्रहरी कार्यालय कैलालीका अनुसार उनीहरुको साथबाट ३ ग्राम १०० मिलिग्राम लागुऔषध खैरो हिरोईन बरामद गरिएको हो । शंकास्पद रुपमा हिडिरहेको अवस्थामा प्रहरी टोलीले चेकजांच गर्दा लागुऔषध बरामद गरिएको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिएका छन् ।

दुवै जनामाथि थप अनुसन्धान कार्य भइरहेको प्रहरी नायब उपरीक्षक विष्टले बताएका छन्।