‘प्रेमगञ्ज’को छायांकन काभ्रेबाट सुरु

काठमाडौं, वैशाख ९ (ई-रैवार)

नयाँ चलचित्र ‘प्रेमगञ्ज’को छायांकन सुरु गरिएको छ । अभिनेत्री बेनिशा हमालको मुख्य भूमिका रहने यस चलचित्रको सोमबार काभ्रेबाट छायांकन सुरु गरिएको हो ।

परिच्छेद सेनले निर्देशन रहने चलचित्रमा बेनिशाको अलवा तेज गिरी, सुप्रिया खनाल, राइडर प्रशान्त, सिमरन खड्का, आयुषी ढकाललगायत कलाकारको मुख्य भूमिका रहनेछ ।

चलचित्र चौतारीको ब्यानरमा निर्माण हुन लागेको चिलचित्रको छायांकन काभ्रेसँगै काठमाडौंमा पनि हुने निर्माण युनिटले जनाएको छ । सञ्जय लामाको छायांकन, राजु फुयाँल निर्माता रहेको फिल्मको कार्यकारी निर्माता अनन्तमान श्रेष्ठ हुनुहुन्छ ।