डडेल्धुरा अस्पतालको प्रयोगशालामा थप ७ जनामा कोरोना पुष्टि

डडेल्धुरा, असोज २३ (ई-रैवार) 

डडेल्धुरा अस्पतालको प्रयोगशालामा  थप ७ जनामा कोरोना पुष्टि भएको छ । पछिल्लो २४ घण्टामा परिक्षण भएका ३६ नमुनाहरुमध्ये ७ जनामा संक्रमण पुष्टि भएको हो ।

प्रयोगशाला इन्चार्ज ईश्वरी प्रसाद भूषालले शुक्रबार अस्पतालका कर्मचारी सहित थप ७ जनामा कोरोना देखिएको जानकारी दिए ।

इन्चार्ज भूषालले डडेल्धुराको नबदुर्गा गाउँपालिकाका दुईजना, डडेल्धुरा अस्पतालका कर्मचारी एकजना, बैतडीको सुर्नया गाउँपालिकाका र पाटन नगरपालिकाका एक एकजना र दार्चुलाको मालिकार्जुन गाउँपालिकाका दुईजना गरी ७ जनामा कोराृना पोजेटिभ देखिएको बताए ।

परिक्षण गरिएका अन्य २९ जनाको नतिजा नेगेटिभ आएको छ ।