गौरिफण्टाबाट भित्रिएका अछामका एकजनामा कोरोना

धनगढी जेठ ११(ई-रैवार)

गौरिफण्टा नाकाबाट यहि जेठ ८ गते भित्रिएका एकजनामा कोरोनाको संक्रमण देखिएको छ । धनगढी स्थित पशुपन्छी अन्वेषण प्रयोगशालाको आरटी पीसीआर मेसिनबाट परीक्षण गर्दा उनमा कोरोनाको संक्रमण देखिएको सेती प्रादेशिक अस्पतालले जनाएको छ।

अछामको मेल्लेख गाउँपालिका-४ का ३२ वर्षीय पुरुष रहेको अस्पतालका सूचना अधिकारी दिलिपकुमार श्रेष्ठले बताए। उनी जेठ ८ गते गौरीफन्टा नाकबाट फर्किएका थिए। सीमामा आरडिटी परीक्षणका क्रममा पोजेटिभ देखाएपछि सेती अस्पतालको आईसोलेसनमा राखिएको थियो। उनको स्वास्थ्य अवस्था समान्य रहेको छ। यो सँगै प्रदेशभरी संक्रमितको संख्या १५ पुगेको छ।

यसअघि धनगढी प्रयोगशालामै परीक्षणका क्रममा शुक्रबार ५ र शनिबार ४ जनामा कोरोना पुष्टि भएको थियो।