दार्चुलामा ट्याक्टर दुर्घटना हुँदा एकजनाको घटनास्थलमै मृत्यु

दार्चुला : दार्चुलामा ट्याक्टर दुर्घटना हुँदा एकजनाको घटनास्थलमै मृत्यु भएको छ । दार्चुलाको व्याँस गाउँपालिका–४ मा ट्याक्टर दुर्घटना हुदाँ एकजनाको घटनास्थलमै मृत्यु भएको हो ।

इलाका प्रहरी कार्यालय हुतीले ट्याक्टरमा सवार बझाङको बित्थडचिर गाउँपालिका–२ का २३ वर्षीय वीरेन्द्र खड्काको मृत्यु भएको जनाइएको छ । गए राति करिब साढे ११ बजे दोखटबाट डोबतर्फ जाँदै गरेको से२त १७९९ नम्बरको ट्याक्टर अनियन्त्रित भई सडकबाट अन्दाजी १५ मिटर तल खसेको थियो । दुर्घटनापश्चात् ट्याक्टर चालक फरार भएकोले खोजी भइरहेको प्रहरीले जानकारी दिएको छ ।