डडेल्धुरा अस्पतालको प्रयोगशालामा थप २५ जनामा कोरोना संक्रमण पुष्टि

डडेल्धुरा, असोज २७ (ई-रैवार)

डडेल्धुरा अस्पतालको प्रयोगशालामा आज थप २५ जनामा  कोरोना संक्रमण पुष्टि भएको छ । डडेलधुरा प्रयोगशालामा आज ३६ नमुना परीक्षण गरिएकोमा डडेलधुरा र बैतडीका २५ जनामा सङ्क्रमण पुष्टि भएको हो ।

अस्पतालका प्रयोगशाला इन्चार्ज इश्वरी प्रसाद भूषालका अनुसार सङ्क्रमित मध्ये १७ जना डडेलधुराको परशुराम नगर पालिकाका र २ जना नवदुर्गा गाउँपालिकाका छन् ।

त्यस्तै बैतडीको पाटन नगर पालिकाका ६ जनामा पनि कोरोना सङ्क्रमण पुष्टि भएको प्रयोगशाला इन्चार्ज भूषालले जानकारी दिए ।