बलात्कार मुद्दामा एमाले नेता ऐन महरमाथि अनुसन्धान गर्न उच्च अदालतले दियो आदेश

धनगढी । नेकपा एमाले नेता ऐन महरमाथि बलात्कार मुद्दामा अनुसन्धान गर्न उच्च अदालत आदेश दिएको छ ।एमालेका केन्द्रीय सदस्य महरमाथि उच्च अदालत पाटनमा दर्ता भएको बलात्कार मुद्दामा अनुसन्धानको प्रक्रिया अघि बढाउन आदेश भएको हो।

न्यायाधीशद्वय ब्रजेश प्याकुरेल र कृष्णराम कोइरालाको संयुक्त इजलासले अनुसन्धान अघि बढाउन परमादेश जारी गरेको हो । आफू महरबाट बलत्कृत भएको भन्दै पीडितले यसअघि नै प्रहरी परिसर काठमाडौंमा जाहेरी दिएकी थिइन् । 

तर, प्रहरीले उक्त जाहेरी दर्ता गर्न अस्वीकार गर्दै तामेलीमा राखेको थियो । बिहीबार प्रहरीले तामेलीमा राखेको प्रक्रिया नमिलेको ठहर गर्दै अनुसन्धानको प्रक्रिया अघि बढाउन उच्च अदालत पाटनले आदेश गरेको हो ।