April 16, 2024, Tuesday
४ बैशाख २०८१, मंगलवार

मौसम पूर्वानुमान : पहाडी भू-भागमा चट्याङ्गसहित वर्षा हुने, उच्च पहाडी तथा हिमाली भू-भागमा हिमपात

काठमाडौँ । आज पहाडी भू-भागमा चट्याङ्गसहित वर्षा हुने भएको छ । मौसम पूर्वानुमान महाशाखाले जनाए अनुसार नेपालमा पश्चिमी न्यून चापीय प्रभावले देशभर आंशिकदेखि साधरणतया बदली रही उच्च पहाडी तथा हिमाली भू-भागमा वर्षा र हिमपात हुने भएको हो ।

आज दिउँसो देशभर आंशिकदेखि साधरणतया बदली रहने छ। कोशी र मधेस प्रदेश लगायत देशको पहाडी भू–भागको थोरै स्थानहरूमा तथा देशका बाँकी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ। काठमाडौँमा पनि दिउँसो छिटपुटदेखि हल्का वर्षाको सम्भावना रहेको मौसमविद्हरुले बताएका छन् । देशका उच्च पहाडी तथा हिमाली भू–भागका केही स्थानहरूमा हल्का हिमपातको सम्भावना रहेको छ।

आज राति कोशी, मधेस र बागमती प्रदेश लगायत  देशको पहाडी आंशिक देखि साधरणतया बदली  रही बाँकी भूभागमा मौसम मुख्यतया सफा रहने छ। कोशी र गण्डकी प्रदेशको पहाडी भू–भागका एक–दुई स्थानमा छिटपुट देखि हल्का वर्षाको सम्भावना रहेको छ। देशका उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावना रहेको छ।