सुदूरपश्चिम प्रदेश सभाका चार संसदीय समितिका सभापतिले गरे सपथग्रहण

धनगढी । सुदूरपश्चिम प्रदेश सभाका चार संसदीय समितिका सभापतिले बुधबार सपथग्रहण गरेका छन् । प्रदेश सभाका सभामुख भीमबहादुर भण्डारीले एक कार्यक्रमका बिच चारै जना सभापतिलाई पद तथा गोपनियताको सपथग्रहण गराएका हुन ।

हिजो निर्विरोध निर्वाचित हुनेमा विधायन तथा प्रदेश मामिला समितिको सभापतिमा दिवानसिंह विष्ट, सार्वजनिक लेखा समितिको सभापतिमा वीरबहादुर थापा, अर्थ विकास तथा प्राकृतिक स्रोत समितिको सभापतिमा घनश्याम चौधरी र सामाजिक विकासको सभापतिमा माया पन्त रहेका छन् ।

निर्वाचित सभापतिहरुमा विष्ट नेपाली कांग्रेस, थापा नेकपा एमाले, चौधरी नागरिक उन्मुक्ती र पन्त नेकपा एकीकृत समाजवादीका प्रदेश सभा सदस्य हुन ।उनिहरुले मङ्गलबार सभापति पदमा मनोनयन गरेका थिए ।