पत्रकार ऐरमाथि भएको कुटपिट घट्ना प्रति महासंघले गर्यो घोर भर्त्सना

धनगढी । धनगढीका पत्रकार शेरबहादुर ऐरमाथि भएको कुटपिट घट्ना प्रति नेपाल पत्रकार महासघले घोर भर्त्सना र निन्दा गरेको छ । आइतबार प्रेस विज्ञप्ति जारी गर्दै ऐरमाथि धारिलो बस्तुले टाउकोमा प्रहार गरिएको घट्ना प्रति महासघले घोर निन्दा गरेको हो ।

‘रेडियो धनगढी र धनगढी खबर डटकमका सम्वाददाता शेरबहादुर ऐरमाथि भएको आक्रमणप्रति नेपाल पत्रकार महासंघको गम्भीर ध्यानाकर्षण भएको छ । प्रेस विज्ञप्तिमा भनेको छ , पत्रकारमाथि भएको यस आक्रमणको महासंघ भर्त्सना र निन्दा प्रकट गर्दछ,’ पत्रकार महासघ सुदूरपश्मि प्रदेशका महासचिव रामसिंह ठगुन्नाले जारी गरेको विज्ञप्तिमा भनिएको छ ।

शनिवार राति अपरिचित अज्ञात व्यक्तिले पत्रकार ऐरमाथि कुटपिट गर्दा उनको टाउकोको पछाडि पट्टी चोट लागेको छ ।