चर्को ब्याजदर विरुद्ध सुदूरपश्चिम प्रदेशमा भोलिबाट चरणबद्ध आन्दोलन

धनगढी। उद्योगी व्यवसायीहरूले सुदूरपश्चिम प्रदेशमा भोलिबाट चरणबद्ध आन्दोलन गर्ने भएका छन् । बैङ्कहरूले चर्को ब्याजदर लिएको भन्दै आज कैलाली उद्योग वाणिज्य सङ्घले आयोजना गरेको पत्रकार सम्मेलनमा भोलिबाट प्रदेशका सबै जिल्लामा एकै प्रकारको आन्दोलन गर्ने जनाइएको हो ।

कैलाली उद्योग वाणिज्य सङ्घका अध्यक्ष पुष्पराज कुवरले भोलि बिहान ९ बजे देखी धनगढी चौराहाबाट आन्दोलन सुरु गर्ने, बिहान ११ बजे सम्म बजार बन्द गर्ने र २० गते सम्म बैङ्कमा बचत नगर्ने लगायतका आन्दोलन गर्ने जानकारी दिएका हुन ।