कैलालीको बर्दगोरियाबाट खुकुरीसहित दुई जना पक्राउ

धनगढी । कैलालीमा खुकुरीसहित दुई जना पक्राउ परेका छन् । बर्दगोरिया गाउँपालिका–१ टिन बजारबाट एक थान खुकरीसहित मिनबहादुर धामी र लालबहादुर विक पक्राउ परेका हुन् ।

ईलाका प्रहरी कार्यालय सडकपुर बौनियाका अनुसार उनीहरुबाट लागूऔषध ट्रमाडोल १ सय ९० ट्याब्लेट, एभिल १ सय ९९ ट्याब्लेट, नगद १३ हजार ५ सय रूपैयाँ र १ थान खुकुरी बरामद गरिएको छ।

पक्राउ पर्ने बर्दगोरिया गाउँपालिका–४ का ४० वर्षीय विक र लम्किचुहा नगरपालिका–४ का २५ वर्षीय धामी रहेको प्रहरीले बताएको छ। ईलाका प्रहरी कार्यालय सडकपुर बौनियाबाट खटिएको प्रहरीले टोलीले उनीहरूलाई लागूऔषधसहित फेला पारेपछि पक्राउ गरेको हो।